E thotë Isa Mustafa: Posti i presidentit i takon PDK’së – nuk e pranon si presidente Vjosa Osmanin

Isa Mustafa, i pari i Lidhjes Demokratike të Kosovës, pohoi se postin e kryeministrit e ka partia e tij, kryeparlamentaren Lëvizja Vetëvendosje, ndërsa që posti i Presidentit të vendit i takon partisë me radhë, që i bie PDK’së,

Mosmarrëveshjet brenda koalicionit qeverisës në Republikën e Kosovës rriten dita ditës, mirëpo edhe përkundër kësaj, kreu i Lidhjes Demokratike të Kosovës, Mustafa mendon që kjo qeveri është tejet e qëndrueshme.
I pyetur se a e pranon Lidhja Demokratike e Kosovës propozimin nga parteri që Ramush Haradinajn të jetë President, Mustafa, ka thënë se kjo pozitë i takon partisë së tretë me radhë apo ndryshe Partisë Demokratike të Kosovës.

“Nuk e kemi diskutuar në mënyrë shprehimore çështjen e Presidentit në organet vendimmarrëse të LDK-së. Vlerësojmë se vendit dhe demokracisë i bën mirë një ndarje e lehtë e përgjegjësive më të larta shtetërore. Vetëvendosjes i takon pozita e Kryeparlamentarit/es sipas Kushtetutës si parti që ka dalë me një deputet më shumë se LDK në zgjedhjet e 6 tetorit 2019, LDK ka Kryeministrin dhe pozita e Presidentit do t’i takonte partisë me radhë më të fuqishme në Kuvend. Por çdo gjë mund të ndryshojë me një marrëveshje të gjerë, e cila siguron pjesëmarrjen aktive të dy të tretave në votim në Parlament dhe jo vetëm vullnetin e koalicionit qeverisës apo të një pjese” , ka thënë Mustafa për syri-net.

‘Në këtë koalicion e kemi Kryeministrin. Në qoftë se në këtë konstalacion politik dhe parlamentar nuk arrijmë të gjejmë zgjidhje dhe përfundojmë në zgjedhje të përgjithshme si pasojë e moszgjedhjes së Presidentit, atëherë hapem edhe kombinime tjera, varësisht nga rezultati i zgjedhjeve dhe koalicionet e mundshme”.

Në pyetjen se a do ta pranonte Vjosa Osmanin si kandidate konsensuale për presidente, Mustafa është përgjijur duke thënë “Jo. S’do të gabojmë dy herë”.

“Vjosën e kandiduam për Kryeministre me qëllime të mira, me të tilla sikurse që edhe e lidhëm koalicionin me VV. Doli se dallimet predominuan këto qëllime. Mirë që përfundoi me kohë, si martesa e paqëndrueshme. Nuk na ka mbetur shumë dashuri për kontakte, por nuk kemi as urrejtje”.