Ferizaj – Plagoset një person, arrestohet i dyshuari

Forensic Science -place of shooting

Një shtetas i Republikës së Kosovës, mashkull, është arrestuar në Ferizaj me dyshimin se ka plagosur me armë zjarri një tjetër.

Policia e Kosovës rastin po e cilëson si tentim vrasje.

“Është arrestuar i dyshuari mashkull kosovar pasi që i njëjti pas një mosmarrëveshje ka qëlluar me armë zjarri viktimën mashkull kosovar. Viktima ka pranuar trajtim mjekësor, ndërsa nga i dyshuari është konfiskuar një AK/ 47 me dy copë fishekë”, thuhet në raportin 24 orësh të Policisë.

Tutje thuhet se me vendim të prokurorit kujdestar, të dyshuarit i është caktuar masa e ndalimit për 48 orë.