Fshesa e Sveçlës- Shkarkohet edhe Rashit Qalaj?

Shkarkimet e sotme nga ana e Qeverisë së Kosovës nuk kanë të ndalur. Ushtruesi i detyrës së Ministrit të Punëve të Brendshme, Xhelal Sveçla, pritet të marrë vendim për shkarkimin e Drejtorit të Përgjithshëm të Policisë së Kosovës, Rashit Qalaj.

Gjatë ditës sotme është shkarkuar nga detyra kryeshefja e Inspektoratit policor të Kosovës, Miradije Kelmendi. Vendimin për shkarkimin e saj Sveçla e ka marrë pas analizimit të Raportit me rekomandime për Mbikëqyrje të zbatimit të ligjit për IPK dhe Raporti i Auditimit për MPB.

“Ky vendim erdhi pas analizës së gjetjeve nga dy raporte: Raporti me rekomandime për Mbikëqyrje të zbatimit të ligjit për IPK-në, hartuar nga Komisioni për Punë të Brendshme, Siguri dhe Mbikëqyrjen e Forcës së Sigurisë së Kosovës; dhe Raporti i Auditimit për Ministrinë e Punëve të Brendshme të vitit 2018. Po ashtu kam marrë parasysh edhe letrën e rekomandimeve nga Avokati i Popullit Nr. 683/2019 lidhur me çështjen “Agron Hasanaj kundër Inspektoratit Policor të Kosovës” ka thënë Sveçla.

Por, Xhelal Sveçla pritet të shkarkoj edhe Drejtorin e Përgjithshëm të Policisë. Aryset mund të bëhen publike gjatë ditëve në vijim. Për këtë lajm KosovoInsights do të iu mbajë të informuar përmes platformës tonë në Facebook dhe këtij artikulli.

Event
Arsyet e shkarkimit të Rashit Qalajt?
Location
Prishtine
Start time
6:30
Event status
Not started