Jakup Krasniqi po merret në pyetje që nga mëngjesi nga zyrtarë të EULEX’it

Zyrtarë të EULEX’it dhe Policisë së Kosovës janë duke kryer bastisje në shtëpinë e ish-kreut të Kuvendit, Jakup Krasniqit, nga ora 06:00 e mëngjesit.

Kur në orët e para të mëngjesit zyrtarët e policisë dhe EULEX’it kanë zbarkuar në shtëpinë e tyre në Velani, familjarët e Krasniqit kanë deklaruar se familja e ngushtë e ish-kryeparlamentarit janë terrorizuar.

Djali i vëllait të Krasniqit, Arian Krasniqi ka thënë  se Jakup Krasniqi është ndarë në një dhomë të vecantë dhe po merret në pyetje që nga mëngjesi.

“Janë të terrorizuar, në ora gjashtë kur kanë hyrë forcat, është i ndarë në një pjesë tjetër të shtëpisë Baca Jakup, aty po vazhdon intervistimi nuk e dimë çka, bastisja prej orës 06:00. Momentalisht është prindi im dhe një mixhë tjetër në Negroc, sapo të përfundon këtu bastisja vazhdojmë atje. Nuk e dimë sa do të zgjasë këtu bastisja”, ka thënë ai.//KosovoInsights