Këto janë bizneset që do të rihapen nga dita e hënë

Kryeministri Albin Kurti, ka njoftuar publikisht për bizneset që do të hapen nga kjo e hënë pra në fazën e dytë të lirimit të masave ndaj COVID-19, duke filluar nga floktaret deri tek galeritë.

“Nga e hëna do të rihapen këto biznese, floktaret dhe sallonet e ondulimit, floktarët, stomatologët dhe fizioterapeutet, tregtaret me pakicë dhe tregu i gjelbër, gastronomia (merre me vete), transporti hekurudhor, transporti urban dhe ndër urban, qendrat e e thirrjeve telefonike me lista te stafit esencial si dhe hapja e galerive dhe muzeve”, tha Kurti në konferencë për media.

Albin Kurti po ashtu bëri të ditur që edhe oraret do të ndryshojnë dhe do të publikohen së shpejti ë nga Ministria e Shëndetësisë.

“Çdo qytetari do ti lejohet dalja dy here në ditë nga dy orë sipas shifrës së parafundit në numrin personal, orari do të publikohet paraprakisht nga Ministria e Shëndetësisë”, tha ai.

Sipas tij ‘kjo është një test i madh për të gjithë shoqërinë por edhe një sfidë njëkohësisht’

Në shtetin tonë deri më tani janë konfirmuar 945 raste më COVID-19, nga ta janë shëruar 690 persona, ndërsa 226 raste vazhdojnë të jenë aktive. //KosovoInsights