Lista e plotë e komunave me personat e prekur, shëruar dhe të vdekur

Lakorja e të shëruarve nga COVID-19 në Kosovë, të martën mbrëma, është kryqëzuar me atë të të infektuarve dhe për herë të parë, ka më shumë të shëruar sesa raste aktive.

Deri më tash janë gjithsej 856 të infektuar të regjistruar në nivel vendi, prej tyre janë shëruar 490 veta, 26 kanë vdekur dhe 340 raste mbesin aktive. Prej këtij, numri vetëm 15 janë të shtrirë në Infektivë dhe dy në gjendje të rëndë, të tjerët janë në vetizolim nëpër shtëpi.

“Para 3 ditëve paralajmërova prerjen (takimin) e 2 vijave. Dhe sot më 5 maj, në ditën e 54-t të pandemisë ndodhi kjo. Sot në Kosovë, për herë të parë që prej fillimit të pandemisë, kemi më shumë të shëruar se sa raste aktive. Sigurt, por të kujdesshëm drejt fundit të pandemisë”, ka shkruar mbrëmë në Facebook, infektologu Valbon Krasniqi.

E sipas të dhënave zyrtare të siguruara nga IKSHPK-ja, gjashtë qytete më nuk kanë asnjë rast me COVID-19.

Në Vushtrri, Gjakovë, Skënderaj, Klinë, Drenas dhe Obiliq janë shëruar të gjithë pacientët që ishin të prekur me koronavirus, Nga këto qytete, Në Vushtrri e Gjakovë ka vdekur nga një person si pasojë e COVID-19.

Përparim i madh është shënuar edhe në qytetet si Ferizaj, Malishevë e Prishtinë, vatra të mëdha. Në Ferizaj janë shëruar 76 persona dhe dy kanë vdekur nga 98 të infektuar. Në Malishevë janë shëruar 59 pacientë dhe një ka vdekur në 76 raste me infeksion. Ndërkohë në Prishtinë janë shëruar 53 pacientë dhe dy kanë vdekur nga 68 të infektuar. Në këtë drejtim, Peja qëndron më së keqi. Nga 73 të infektuar, deri më tash janë shëruar vetëm 6 pacientë, ndërkohë dy kanë vdekur.

 

Komunat

Të infektuar

Të shëruar (të vdekur)

Ferizaj

98

76 (2)

Prizren

83

22 (2)

Malishevë

76

59 (1)

Pejë

73

6 (2)

Prishtinë

68

 53 (2)

Viti

53

42

Gjilan

48

26 (2)

Mitrovicë V.

43

28 (2)

Kamenicë

39

17

Suharekë

36

29 (1)

Zveçan

26

21 (1)

Vushtrri

24

23 (1)

Rahovec

23

1

Z. Potok

21

14 (2)

Leposaviq

21

8 (4)

Shtime

19

5 (1)

Gjakovë

16

15 (1)

Lipjan

15

6

Mitrovicë J.

14

0

Podujevë

11

8 (1)

Istog

8

2 (1)

F. Kosovë

7

6

Hani i Elezit

7

6

Kaçanik

7

2

Skënderaj

6

6

Klinë

5

5

Deçan

3

1

Dragash

3

0

Drenas

2

2

ObiIiq

1

1

Totali

856

490 (26)