Qeveria nuk miraton nismën e Kuvendit për parandalimin dhe luftimin e COVID-19

Qeveria e Kosovës ka zhvilluar sot mbledhjen e radhës, të udhëhequr nga kryeministri Avdullah Hoti.

Në këtë mbledhje e cila po vazhdon të mbahet, nuk është miratuar nisma legjislative e Kuvendit të Kosovës për luftimin e COVID-19.

Zëvendëskryeministri i vendit, Driton Selmanaj gjatë paraqitjes së këtij qëndrimi deklaroi se Qeveria e konsideron të panevojshme miratimin e kësaj nisme, transmeton Indeksonline.

“E vlerësoj të panevojshëm miratimin e projektligjit për parandalimin e pandemisë Covid-19 me arsyetimin e se ligjet e aplikueshme e rregullojnë në mënyrë të mjaftueshme fushën e parandalimit të sëmundjeve ngjitëse në Kosovë. Konsideron se është Kushtetuta e Kosovës ka dispozita të veçanta që adresojnë që institucionet e Kosovës kanë për obligim të ndërmarrin raste të caktuara të rrezikut të shëndetit publik. Po ashtu vlerëson se angazhimet për rregullim ligjor të përkufizimit të disa prej lirive dhe të drejtave themelore të garantuara me Kushtetutë”, tha Selmanaj.

Madje sipas tij, një çështje e tillë rregullohet mjaftueshëm me ligjet që janë në fuqi.

Ai shtoi se me atë nismë bëhet kufizimi i lirisë së lëvizjes dhe ka shtuar se Kushtetuta e Kosovës ka dispozita të veçantë për adresimin e kësaj çështje.