Shpërthen skandali: Kryeministri Hoti i përfshirë në një rrjet kriminal të fshehjes së tatimeve dhe punësimeve familjare!

Pas shkarkimit nga pozita e drejtorit të Administratës Tatimore të Kosovës, Ilir Murtezaj, e ka përfshirë Kryeministrin Avdullah Hoti në një rrjet kriminal të fshehjes së tatimeve me ndihmën e zyrtarëve të ATK’së.

 

Sipas Murtezajt, Hoti në cilësinë e Ministrit të Financave ka qenë në dijeni për këto vepra kriminale por s’ka vepruar.

“Janë mbrojtur biznese të caktuara nga zyrtarët e ATK’së. Iu është dhënë favore bizneseve duke iu shmangur tatimet”, ka deklaruar Murtezaj.

“Për këtë fenomen, nga ardhja ime në këtë pozitë, ka qenë angazhimi i një trupe, e cila ka bërë verifikimin e rasteve. Të gjeturat kanë qenë se s’ka pasur respektim të ligjit. Të gjitha janë procedura në Polici dhe Prokurori”, ka thënë ai.

“Kemi raste kur për miliona euro të pambledhura askush nuk jep llogari”, ka thënë ai.

Avdullah Hoti ka lejuar të abuzohet me detyrën zyrtare kur ka lejuar të punësohen njerëz partiak dhe familjar në ATK.

“Fatkeqësisht nuk ka aktakuza për këto raste. Kanë marrë fëmije të prokurorëve në punë, fëmijët e deputetëve, fëmijët e gazetarit etj.”, ka thënë Murtezaj, duke thënë se e gjithë kjo është bërë për të fshehur krimin e organizuar.

“Kryeministri e di, i di edhe familjarët e tij të punësuar në Ministri”, ka potencuar Murtezaj.//KosovoInsights