Situata me BE ka ndryshuar për mirë, dalëngadalë po hiqet fusnota

Në letrën zyrtare të kryetares së Komisionit Evropian, Ursula von der Leyenit, dërguar kryeministrit në detyrë të Kosovës, Albin Kurti, Kosova është shkruar pa fusnotë.

Letra, e datës 23 prill, është publikuar nga Qeveria të hënën.

Përmes saj, kryetarja e Komisionit Evropian, Ursula von der Leyen duke folur për pandeminë COVID-19 që ka prekur edhe vendin tonë, ka theksuar se është plotësisht e vetëdijshme se një situatë shumë më e ashpër e financimit ka qenë një aspekt i krizës së COVID-19 për ekonomitë në zhvillim siç është Kosova.

Një letër e ngjashme, pa fusnotë, kishte ardhur ne adresë të Qeverisë edhe më herët, nga Komisioneri evropian për Zgjerim, Oliver Varhelyi.

Si duket relacionet e Republikës së Kosovës po ndryshojnë për të mirë, dhe tani shtetësia e Kosovës është një fakt i kryer. Eshtë hera e parë kur zyrtarë të lartë Evropian shkruajnë në drejtim të Qeverisë pa e cekur fusnotën.